बिफे चैत १५ , १५ चैत्र २०८०, बिहीबार| थारु संम्बत:२६४७

गाेंरी बिन्ना तरिका

गाेंरी बिन्ना तरिका

गंोंरी पश्चिम नेपालके थारु समुदायमे विशेष कैके बिन्ठैं । गाेंरी बिन्ना थारु समुदायके रीतिरिवाज संस्कार ओ चालचलन फेन हो । गाेंरी बिन्ना चलन पुर्खासे चल्टी आइल बा । जौन अभिन फेन गाेंरी बिन्टी बटैं । थारु जातिनके पहिचानसे जोर गैलक कसुंगा पुंजासे बनाजैना ढकिया, डेलुवा, पैनस्टोपी, पन्छोपनी, ढक्ली आदि हो । जब थारु समुदायके मनै खेट्वा लगाके सेक्ठैं टे खाली रहल बेला गाेंरी बिन्ना काम सुरु कठैं ।

थारु जातिनके कौनोफें पुजा आँटी, शुभकार्य, दान, पहुरा डेहक् लाग ओ मनै औरे बेलाके लाग फेन गोंरी अनिवार्य प्रयोग कैजाइठ । कसुंगा पुंजाले बनाजैना जत्राफेन सामान ढकिया, डेलुवा, पनछोपनी, ढक्ली, भौका, पैनस्टोपी यी सक्कु बनाजैना थारु मनैनके सभ्याताके प्राकृतिक सुरुवात हुइलक पाजाइठ । यी थारु जातिनके सभ्याता ओ संस्कृतिसे जुरल बा । थारु जातिनके किल नै अझकल गैरथारु जातिनके मेरमेरीक कार्यक्रममे फेन पहुना हुँकनहे स्वागत करेक लाग ढकिया, डेलुवामे फुला ढैके स्वागत कैजाइठ । थारु जात ओ गैरथारुनके कौनो फेन कार्यक्रममे थारु जन्नी मनै कपारीमे कसुंगा ओ पुंजाले बनागैलक डेलुवा, ढकिया लेके आघे पहुना हुँकनके स्वागत करठैं ।

थारु समुदायके एकर इतिहास प्राकृतिक अवस्थामे मानव सभ्यातामे आघे बह्राइक् लाग थारु हुँकरे अपन दैनिक आवश्यकता पूरा करेक लाग ओ जैसिन चिजके आवश्कता पर्लिन ओ प्रविधिके सिर्जना अपनहे करलैं । कौनो फेन सामानके विकास घाँस, पटिया जैसिन वनस्पतिसे थारु हुँकरे अपन कला प्रयोग कैके असिन चिज सृजना करलैं । ओहे कला सीप थारु हुँकरे अपनहे सिरजाइल हुइटैं । पहुरा डेहेक लाग, ढकिया डेलुवा, नन्डिया हुँकनके लाग खेलौना बनैना ओ लुगा ढर्ना भौका, ढिकरी उस्नक लाग पैन असिन चिजके सिर्जना उत्पादन हुइल मनैनके एकठो सभ्याता हो ।

थारु जातिनके जन्मसे हेके ओराइल बेलासम चहना चिज गोंरी हो । यी थारु जन्नी मनै अपनहे सिर्जना करलैं । कौन मेरके आकार डर्ना, कसिन करैना, सादा करैना कि रंगिन करैना, कत्रा भारी बनैना, कत्रा छोटी बनैना, कौन काममे बेल्सना यी सक्कु चिज थारु जन्नी मनै अपनहे सिर्जना करठैं । पुजा आँटीमे रंगिन गोरी नैबेल्सठैं । काहे कि पुजा आँटी चोखा काम ओ पवित्र काम हो । प्राकृतिक चिजके प्रयोग करलेसे पुजा आँटी चोखा मानजाइठ । रंगिन गाेंरीमे रासायनिक केमिकल प्रयोग हुइल ओरसे पुजा आँटीमे रंगिन गोंरी नैबेलस जाइठ । रंगिन गोंरी भोजमे बेल्सना करल बटैं । अपन चेली बेटिनहे डाइजोके रुपमे फेन डेना चलन बा । गोंरी डाइजो डेना चलन चल्टीमे अभिन फेन बा ।

थारु जातिनके जन्मसे लेके ओराइलसम बेल्सना गाेंरी अझकल हेरैटी जाइटा । गाेंरी हेरैटी जैना दोष अझकलके पुस्टा हुँकनके हो । अझकलके पुस्टा हुँकरे गोंरी बिन्नाहे ढेर महत्व नैडेहेल ओरसे यी गोंरी हेरैटी जाइटा । भौकाके ठाउँके डराज, पैनस्टोपीके ठाउँमे मम खैना भाँरा, ढकिया डेलुवाके ठाउँमे प्लाष्टिकके भाँरा अइलक ओरसे थारुनके चलन चल्टीमे आइल कसुंगा ओ पुंजासे बन्ना भाँरा हेरैटी गिल बा । ओस्टके थारु जातिनके जन्नी मनै बनैना गाेंरी लोप हुइटी रहल ओरसे उही संरक्षण करेक लाग गोंरी बिन्ना तालिम आयोजना डेना फेन बहुट जरुरी बा ।


error: Content is protected !!