अपराधी करयइना एकठो जेल बनाउ सरकार
गजल
अपराधी करयइना एकठो जेल बनाउ सरकार ।
बल्गर जंजीर हटकरी ओ नेल बनाउ सरकार ।
बर्हिया मनैयाँ किल देशके अख्वरीया बनेसेकी,
प्रश्न पुछ्के नैजनुइयन भर फेल बनाउ सरकार ।
संविधान लेख्के हलहिल हाँठमे हाँठ मिलाकेफें,
हमार जनतनहे खुसी पर्ना खेल बनाउ सरकार ।
बहुत होगैल आनक देशके भरमे बाँचे पर्ना यहाँ,
सेकबो कलेसे अपने देशमे मट्टितेल बनाउ सरकार ।
भाइ फुटे गवाँर लुटे कहना कहकुट सुन्ले हुइबो,
जत्तिके सेकबो टे डाढु भइयक् मेल बनाउ सरकार ।
कैलारी ८ डख्खिन टेंह्री कैलाली
