सोम्मार अगहन २० , २० मंसिर २०७८, सोमबार| थारु संम्बत:२६४४

अति विपन्न कोरोना प्रभावित हुकन स्वास्थ्य ओ सरसफाइ सामग्री हस्तान्तरण

अति विपन्न कोरोना प्रभावित हुकन स्वास्थ्य ओ सरसफाइ सामग्री हस्तान्तरण

 दलित महिला अधिकार मंच अति विपन्न कोरोना प्रभावितहुकनके लाग धनगढी उपमहानगरपालिकाके स्वास्थ्य शाखाहे स्वास्थ्य ओ सरसफाइ सामग्री हस्तान्तरण करले बा ।

संस्थाके अध्यक्ष सावित्रा घिमिरे धनगढी उपमहानगरपालिकाके उपप्रमुख सुशीला मिश्रभट्ट ओ स्वास्थ्य शाखा प्रमुख कृष्णबहादुर बोहराहे उ स्वास्थ्य ओ सरसफाइ सामग्री हस्तान्तरण करल हो । संस्थासे हस्तान्तरण करल स्वास्थ्य ओ सरसफाइ सामग्रीमे हाइजिनिक किट १०० बक्स, फेस शिल्ड १०० पीस, थर्मामिटर १०० पीस, डिटोल लहैना साबुन १०० पीस, डिटोल एन्टीसेप्टीक २५० एमएल १०० पीस, हायण्ड सेनिटाइजर ५०० एमएल १०० पीस, वासिङ सोप १०० पाकेट, फेस मास्क १०० पाकेट, ग्लोव १०० पाकेट, थर्मस १०० पीस, सेनिटाइजर ५ लिटर १०० पीस, टिसु पेपर १०० पाकेट रहल बा ।

संस्थाके अध्यक्ष घिमिरे डफ परियोजना अन्तर्गत कोभिड–१९ के दुसरा लहर प्रतिकार्य २०२१ अति विपन्न ३ सय कोरोना प्रभावितहुकनहे डेहक लाग धनगढी उपमहानगरपालिका मार्फत स्वास्थ्य ओ सरसफाइ सामग्री हस्तान्तरण करल बटैली ।

ओस्टेक मंगरके रोज धनगढी उपमहानगरपालिकाके १९ वडामे काम करटी रहल ओरसे पाँच सय जनहनहे आइएमई मार्फत ४ हजार पाँच रुप्पा नगद हस्तान्तरण कैना करल अध्यक्ष घिमिरे बटैली । कोभिड संक्रमितसे पीडित हुइल विपन्न वर्गभिटरके महिला, दलित महिला, अपाङता रहल महिला, एकल महिला, जेष्ठ नागरिकहे पौष्टिक खैनाचिज, कुछ खादयन्नाके लाग सहयोग करल उहाँ जनैली ।


error: Content is protected !!