मंगर चैत ०६ , ६ चैत्र २०८०, मंगलवार| थारु संम्बत:२६४७

आम कर्हना तरिका

आम कर्हना तरिका

आम कर्हना तरिका

आम असिन फल हो जिहि सक्कु फलके राजा कैह्के चिन्ह्जाइठ । आम फागुनमे फुला लागके चैत, बैशाख, जेठ ओर खैना होजाइठ । हमार थारु समुदायमे आमहे कर्हना चलन बा । यि चलन हमार पुर्खा ओइनके चलाइल चलन हो । जेकर पहिलोठि लर्का बँचल रठैं आइने आम कर्हठैं । पहिले हमार आजीआजा ओइने डेउ दुर्गा मानिट । हमार थारु समुदायमे आम किल नैहोके पहिल फरल सक्कु फल कर्हना चलन बा ।

आममे बिशेष कैके भिटामिन ए, सि, डि मिलठ् । आमके रुखवा १ मिटर से २० मिटर सा ढेंंग रहठ । एकर पट्टा ३० सेमि से १२ इन्चके रहठ् । एकर फुला छोट, हरयर, सुगन्धिट रहठ । आमके आकार अंडाकार, गोल, मुटुके आकार लम्मा ओ पाटिर रहठ् । सबसे छोट आमफे बयरसेफें भारी रहठ् । आमके तौल १.२ से २.३ किलोके रहठ । आमके रंग हरियर, हरड्यार ओ हल्का लाल हस रहठ । अझकलके वातावरण बिगरलक ओरसे आमफे मजासे फरे नैपाइठ् । अझकलके मनै आमके व्यापार ओ व्यावसाय कर्टि आइल बटैं । आमके व्यापारसे टमान मनै स्वरोजगार हुइल बटैं । आमके प्रयोग टमान काममे कैजाइठ । आम हमार स्वास्थ्यके लागफे मजा हो । आमके टमान मेरके परिकार बनाजाइठ् । जस्टेक ः आमके चट्नी, आमके अम्झोरा, अचाँर जसिन टमान मेरके परिकार बनाके प्रयोग करजाइठ् ।

१.आमके चट्नी
आम फागुन महिना ओर फुला लागठ । चैत, बैशाख, जेठमे खाइक लाग तयार हुइजाइठ् । आमहे सक्कु फलके राजाफे कठैं । आमके टमान परिकार मध्य आमके चट्नीफें एक हो । आमके चट्नी बनाइक लाग कच्चे आम ओ खुँचक लाग डोक्नी चाहठ् । सबसे पहिले कच्चे आमहे हँसियाके साहायतासे छिलके आमके छोटछोट काटके डोक्नीमे मजासे खँुचके तयार हुइ टे नोन, मिर्चा, तेल बेसारहे टावामे मजासे भुठके चट्नी लगाके खँुचल आममे मिलाके असिके आमके आमक चट्नी तयार हुइजाइठ् । आमके चट्नी दाल संगे खैबो टे बरा मिठ लागठ् ।

२.आमके अम्झोरा
आमके टमान परिकार मध्य आमक् अम्झोराफें एक हो । पहिलेक हमार आजीआजा ओइने टिनाके रुपमेफें खैना करिंट । अम्झोरा बनाइक लाग कच्चे ओ पाकल डुनु मेरके आमके अम्झोरा बनाजाइठ् । अम्झोरा बनाइक लाग पहिले आमहे मजासे छिलके मजासे छिल्के आमके टुक्रा टुक्रा पारके पकाइबेर पानी ढेर डारके पानीमे सक्कु चिज मिलाके बैठाडेहे परठ् । अम्झोरा गोडामिल गोडामिल बरा मिठ रहठ् ।
शान्ती चौधरी


error: Content is protected !!