बिफे कुँवार १३ , १३ आश्विन २०७९, बिहीबार| थारु संम्बत:२६४५

कोरोना विरुद्धके अमेरिकी खोप लगैना शुरु

कोरोना विरुद्धके अमेरिकी खोप लगैना शुरु

प्रधानमन्त्री शेरबहादुर देउवा अमेरिकासे अनुदान प्राप्त कोरोनाविरुद्धके खोप लगैना कार्यके जोरपाटीसे शुभारम्भ करले बटंै ।

जोरपाटीस्थित खगेन्द्र नवजीवन केन्द्रमे स्वास्थ्यकर्मीहे खोप हस्तान्तरण कैके शुभारम्भ करल हुइट । उ कार्यक्रममे नेपालके लाग अमेरिकी राजदूत ¥याण्डी बेरी फेन सहभागी रहल रहिट ।

अमेरिकासे जोन्सन एण्ड जोन्सन कम्पनीके १५ लाख ३४ हजार ८५० डोज खोप नेपालहे उपहार स्वरुप डेहल रहे । इ खोप एक डोज किल लगैले पुगठ् । उक्त खोप सोम्मारसे ५० से ५४ बरस उमेर समूहके मनैन, अपांगताके क ओ ख वर्गके परिचयपत्र पाइल मनैन, नेपालमे बसोबास करटी रहल शरणार्थी, सफाइकर्मी लगायतहे डेना सुरु करल स्वास्थ्य मन्त्रालय जनैले बा ।

काठमाडौंमे ४४ ठो खोप केन्द्रसे सावन ४ गतेसे ६ गते सम जोन्सन एण्ड जोन्सन कम्पनीके कोरोना खोप लगैना निर्णय इहीसे आघे नै सरकारसे करसेकल बा ।


error: Content is protected !!