गुरही टिहुवार मनाइक लाग आशाके अगुवाइमे मूल आयोजक समिति गठन
धनगढी, १७ सावन । धार्मिक ओ सांस्कृतिक महत्व बोकल गुरही टिहुवार मनाइक लाग आशा चौधरीके अगुवाइमे मूल आयोजक समिति गठन हुइल बा ।
सखी सञ्जाल कैलालीके आयोजनामे हुइल छलफलमे थारु समुदायके टिहुवारके शुरुवातके रुपमे लेना गुरही टिहुवार मनाइक लाग समिति गठन हुइल हो ।
असौं २०७८ सालके सावन २९ गते गुरही टिहुवार परल बा । धनगढीके गुरही चौकमे सामाजिक दूरी कायम करटि स्वास्थ्य मापदण्ड अपनाके सामूहिक रुपमे गुरही टिहुवार मनैना निर्णय हुइल बा ।