भाँटा बिश्वभरके भन्सामे प्रयोग हुइना टिना हो । बहुगुणी भाँटा नेपालमेफे प्रशस्त मात्रामे पाइसेक्जाइठ । यिहिन टमान नाउँसे चिन्हजाइठ । विश्वमे ऐगल्पान्ट, ओबरजीन, मेलोनजेब, ग्वाइना, स्कवास, गार्डेनऐन जसिन टमान नाउँसे चिनजाइठ । भाँटा बहुट रंग ओ आकारके रहठ । जोन आकार ओ रंगके हुइलेसेफें यि टिनामे बहुट मात्रामे पोषण तत्व ओ एन्टि अक्सिडेन्ट मिलठ ।भाँटामे बहुट कम क्यालोरिन पाइसेक्जाइठ । जेकर नियमित तौल सन्तुलित कर्नामे सहयोग करठ । ओहे मारेफें हुइसेकि यिहिनहे तौल न्युनिकरण आहाराके रुपमेफें लेहे सेक्जाइठ ।

भाँटामे आहार जन्य रेसा अथवा फाइबरके मात्रा टमान पाइसेक्जाइठ । भाँटा हमार पाचनजन्य समस्या टे दुर करठ करठ ओमहेंफे हमार शरीरमे रहल कोलेस्ट्र«ोल चिनीके मात्राफें नियन्त्रण करना काम करठ । एकर सेवनसे हमार कब्जियतके समस्याफें कम करठ । भाँटामे भिटामिन ए, सी, ई, के, बि ६, नायसीन, फोलेट, फोेलेट आउर कोलिनमेके मात्रा कम करठ । पोटासियम, क्यालसियम, आइरन, म्याग्नेसियम, फोसफोरस, जिंक, कपर जसिन टमान खनिज तत्वहेफें सन्तुलित आहाराके रुपमे लेहे सेक्जाइठ ।भाँटाके नियमित सेवनसे जीवनशैलि जन्य मधुमेह, मुलु रोग, शरीरमे बोसो लग्ना जसिन काम करठ । यिहिम मिलना भिटामीन बि ६, पोटासियम, बनस्पतिजन्य पोषणले मुटुजन्य मिलठ । भाँटामे मिलना औरे महत्वपुर्ण तत्व कलक मोरोजेनिक एसीड हो । यमे रकट कम घनत्वके लीचो प्रोटिन उत्पादनमे मद्दत करठ । भाँटामे पैना पोटासीयमसे फेरसे शरीरके रक्तचापके जोखिम कम रहल डेखजाइठ ।

भाँटामे रहल अन्गिन्ती खनिज, भिटामीन ओ एन्टिअक्सिडेन्टसे हमार शरीरके छाला सफा, रस भरल आउर मुलायम दर्ना सहयोग करठ । भाँटाके रस लगैलेसे लौंडिनके भुटलक् जर बलगर रहठ । भाँटाके टिना रोजदिन खैलेसे हमार भुटलक् बनावँट ओ सुधार अइनाके संगे चमक रहठ । भाँटामे अत्याघिक मात्रामे मिलना पोली फिनोल क्यानसर जसिन खटरनाक रोगसे बचैना काम करठ । पलिफिनोल हमार शरीरमे रहल क्यानसरके कोसिका मर्ना ओ बिषाक्त कोषिका नष्ट कर्ना काम करठ । भाँटाके छालामे मिलना एन्थोसाइनीन फाइटो हमार मस्टिष्कके कोसिका क्षति हुइनासे जोगैना काम करठ । भाँटाके चोक्टाके रस पिलेसे पिसाब सफा करठ । अस्टेक टमान जसिन काममे भाँटा उपयोगि मानजाइठ ।