अत्वार जेठ ०८ , ८ जेष्ठ २०७९, आईतवार| थारु संम्बत:२६४५

मेरमेरिक जरिबुटि मेरमेरिक फाइडा

मेरमेरिक जरिबुटि मेरमेरिक फाइडा


क्यान्सके लेखा संगे हम्रे डरैठी । कठी ‘असिन रोग टे सत्रुहेफें नालागिस ।’ क्यान्सर कलक भयावह रोग हो कैह्के मानजाइठ । जेकर उपचार नैहुइठ् । टमान अवस्थामे एकर उपचार नैकरे सेक्जाइठ । क्यान्सरके अवस्था पटा लगाइ सेक्लेसे एकर उपचार करेसेक्जाइठ । हमार समुदायमे क्यान्सरसे लरके जियल मनैफें टमान बटैं ।


क्यान्सर काकरे लागठ ? एकर टमान कारण बा । खास कैके अस्वस्थ्य जीवनशैली मुख्य कारण मानजाइठ । हमार जीवनशैली कलक रोेजके खानपिन परठ । हमे्र कसिन मेरके खैठि कना बाट्से असर पारठ । बिशेष कैके हमार दैनिक रुपमे खैना पिना कारणसे क्यान्सर जसिन घाटक रोग लागठ । क्यान्सरमे प्रतिरोधि गुण रहठ । हमे्र, सहि खाना छनोट करके खाइपरठ । हमार भन्सामे टमान मेरके खैनाचिज रहठ । जेमे क्यान्सरसे लरे सेक्ना गुण रठिस् ।

का हो उ चिज ?ग्रीन टी एन्टीअक्सीडेन्ट गुणसे भरल ग्रीन टी हमार शरीरमे रहल रोग प्रतिरोधी बनैनामे सहयोग करठ । एमहे एक किसिमके पोषण तत्व रहठ । जोन क्यान्सरके कोशिकाहे बह्रे नैडेहठ । टब्बीहि क्यान्सर प्रतिरोधी खैनामे ग्रीन टी मुख्य मान्जाइठ ।

तुलसी
तुलसीहे ‘क्यान्सर किलर’ फें कठैं । तुलसीके नियमित सेवनसे हमार शरीरके टमान रोगसे लरे सेक्जाइठ । तुलसी हमार समुदायमे पुजा कर्ना चलनफें बा । बिशेष कैके तुलसीहे बिरुवाके रुपमे लगैना चलन रहठ । मने हमार समुदायमे एकर पुजा करना उद्देश्यसे तुलसी लगाजाइठ । हमे्र प्रत्यक दिन दुइ से लेके तीन पट्टा खैठी कलेसे यि हमार शरीरके लाग बहुट उपयोगी मानजाइठ । एकर सेवन हरेक दिन करठी कलेसे तुलसीके पट्टासे क्यान्सर टे ठिक हुइठ, जुरीफें नियन्त्रन करठ ।

गैयक् दुध
गैयक् दुधमे अट्रा शक्ति रहठ कि यि हमार रोग प्रतिरोधक क्षमता बह्ररैनाके संगे यि टमान रोगसे बचैना काम करठ । गैयक् दुध रोज सेवन करकेफें क्यान्सरके न्युनिकरण करे सेक्जाइठ ।

बेसार
हमार खानपिनमे बेसारके बिशेष ठाउँ रठिस । एकर प्रयोग शुभ काममे फें कैजाइठ । बेसार एकठो एन्टिसेप्टीक हो । टबबिहि एकर नियमित सेवन करलेसे मजा रहठ । बेसार सेवन करलेसे मजा रहठ । बेसारके नियमीत सेवनसेफें क्यान्सर नियन्त्रन करे सेकजाइठ ।

नीम
नीमहे आयुर्वेदके भाषामे सर्वरोग नाशकफे कना चलन बा । नीममे क्यान्सरसे लरे सेक्ना शक्ति रहठ । क्यान्सरके रोगीया प्रत्यक दिन आठसे दश पट्टा खवैना करलेसे ओकर स्वास्थ्यमे बहुट मजा सुधार डेखे सेक्जाइठ ।

लसुन
क्यान्सरके रोगके लाग लसुन एकठो ओखटी जस्टे हो । क्यान्सर लागल रोगीयाहे लसुन पिसके पानीमे घोरके खैलेसे यि रोगीयनहे टमान फाइदा मिले सेकठ । क्यान्सरसे बचक लाग क्यान्सर लागल रोगीया किल नैहोके जेफें एकर पानी पिए सेक्जाइठ ।


error: Content is protected !!