पहिलेक परा पुर्खनके पालासे चल्टी आइल गाउँ घरके हरेक काम करक लाग सक्कु गाउँक  मनंै जम्मा हुइठैं । उहिन हम्रे सामान्य भाषामे बुझठी बेगारी हो । बेगारी बिशेष कैके थारु समुदायमे डेख्जाइठ । प्रत्यक किसन्वाँ हुकरे मिलके कर्ना काम हो बेगारी । बेगारी कना रित पहिलेसे चल्टी आइल रित हो । थारु समाजमे बैठना मनैं आझ सम हम्रे थारु समुदायमे डेखे सेक्ठी ।बेगारी हमार थारु समुदायमे पहिलमे चलागैल एकठो रित हो । यि मेरके रित आझ सम डेखगिल बा ।

बेगारी बिशेष कैके बरघरिया समाज सुधारके लाग करजिना काम हो । सक्कु गाउँक किसन्वनके  उपस्थीतिमे बनागैल निति नियम हो । यि निति नियम अपन गाउँके विकासे लाग बनाजाइठ । यि नियम बनाइल ओरसे समाजके विकास टे हुइठ हुइठ समाजके मनैन अपन काम करवइनामेफें टमान मद्दत मिलठिन । बेगारी कलक खास कैके गाउँ घरके मनै जुटे पर्ना ओ काम कर्ना बेगारी कैजाइठ । हमार थारु समुदायमे बेगारीनके साहायतासे समाजमे कर्ना सक्कु काम करे सेक्जाइठ । कौनोेफें समाजमे विकासके कामके लाग आइल बजेटसे अपन गाउँहे कसिक मजा बनाइ सेक्जाइ कना उद्देश्यले बरघरियक् घर सक्कु गाउँक मनै भेला होके का कर्ना ? कसिक कर्ना ? जसिन नीति नियम बनाके आघे बहरैना जसिन काम करठैं । यदि सरकारसे कौनो बजेट नैआइल रलेसेफें अपनअपन समाजके मनै मिलके गाउँके डगर बनैना जसिन सामाजिक प्राणी हुइटी ।

सक्कु मनैन समाज चहठिन । मनैनके हरेक कामके लाग समाज हुइ पर्ना जरुरी बा । मनै सामाजिक प्राणी हुइट् । मनैनके हरेक काम हमार समाजसे जोरल रहठ । मनै अपन समाजमे कसिक लग्बी टे मजा रही कना हिसाबसेफें बेगारी कना रित चलागैल बा ।बेगारी बिशेष कैके गाउँ ठाउँके मजा विकास होए कना उद्देश्य किल नैहोके समाजमे बैठ्ना जोन मनैनमेफें अपन कामके लाग सक्कु गाउँक मनैन बलाइ सेक्ना मेरके रहठ । पहिलेक मनै बिशेष कैके बरघरियक् घर किल काम करवा डेना चलन रहे । अझकलके मनै समाजमे हुइना सक्कु काम समाजमे रहल मनैन संग सम्बन्ध रठिन मनो पहिलक् मनैनकेफें रहिन मने, विशेष ग्राहयिता बरघरियाहे किल डिंट । गाउँ घरमे बेगारी लेना नियम बनाके एकडम मजा करले बटैं । एकर कारण समाजमे बैठ्ना मनैनके बहुट सहजता हुइल बटिन । बेगारी समाजमे रहल सक्कु काम सजिलो हुइना उद्देश्यसे बनाइल काम बेगारी हो ।

बेगारी यि मेरके रित थारु समुदायमे टमान जसिन डेख परठ । यि मेरके सहजतासे समाजके विकास किल नैहोके समाजमे बैठ्ना मनैनके लागफें बहुट मजा बनल बा । बेगारीमे काम करक लाग सक्कु घरसे एकठो आइ पर्ना रठिन । सक्कु गाउँक् मनै मिलके काम करठैं टे रहल ओ एक डोसरसे सम्बन्धफें मजा रठिन ।हमार थारु समुदायमे यि रितके कारण समाज मजा ओ सुन्दर डेखजाइठ । हमार पुर्खनके चलाइल यि रित हो । हमार सक्कु थारु जातिनके मनै खुसीके संगे लेले बटैं । औरे जातके मनै सोंच्ठैं  कि बेगारी टे नोकरके कर्ना काम हो । वास्तवमे जे असल ओ मजा समाजमे बैठल रहठ, उ मनैन पटा रठिन कि बेगारी कलक का हो । जोन मनै बेगारीक फाइदा पटा रठिन उ मनै अपन गाउँहे मजा ओ सुन्दर बनैना चहठैं । बेगारीक सहयोगसे समानजमे मनैनके सम्बन्धहे आउर बलगर बनाडेहठ् । यि रित आझसम हमार समुदायमे डेखगिल बा ।