अत्वार जेठ ०८ , ८ जेष्ठ २०७९, आईतवार| थारु संम्बत:२६४५

घोंघामे सबसे ढेर प्रोटिन मिलठ

घोंघामे सबसे ढेर प्रोटिन मिलठ


हमार थारु परिकार मध्य घोंघाफें एक हो । घोंघा सामान्य कैके पानीमे मिलना चिज हुइँट् । घोंघा प्राय जसिन थारु समुदायके मनै खैना चलन बा । पहिलेक मनैनके पालासे खैटि अइलक ओरसे आझ सम थारु समाजमे डेखजाइठ । हमार बुडिबुडु हुँकरे टिना नैमिले लागिन टे मच्छी खोज्ना उद्देश्यसे टलवा, लडिया, खोलहुवा जसिन ठाउँमे जाके मच्छी ओ घोंघा खोजके लानिंट ।पहिलेक हमार पुर्खनके पालासे खैटि आइल टिना हो घोंघा । पहिलेक मनै घोंघी खोजे जाइँट् टे घोंघाफें मिल जाइन टे संगे लेके आइँट् ।

घोंघा पहिले पहिले टमान डेखा परिंट् । अझकल घोंघा बहुट कम डेखजाइठ । अझकलके दूषित वातावरणके कारणफें घोंघा लोप हुइटि जाइटा । घोंघनके आकार घोंघीसे भारी रठिन । अझकलके वातावरण असिन होगैल बा कि मनै हँुकनके कारण आझ हरेक चिजमे असर परटिन । मनै अपन हरेक आवस्यकता पुरा करक लाग वातावरणमे भर परटैं । मनैनके जनसंख्या बहरल संगे टमान चिजमे असर परल डेखजाइठ । घोंघा टमान विरुवाके रुपमेफें प्रयोग कैजाइठ । घोंघा हमार टिनाके रुपमे किल प्रयोग नैहोके लैडिनके भुटला उख्रना समस्याहे नियन्त्रन कर्ना कामके लाग बेलसजाइठ । पहिले अस्पताल जसिन कुछ नैरहिन । जट्रा हो गाउँमे जरिबुटि जन्नाहाँ बैडवाके सहायतासे टमान रोगिया, बेरम्ह्याँ जसिन हँुकन हेर्ना मनैयाँ रहिन । पहिलेक बैडवा हुँकरे सिखैलैं कि घोंघक् पानी हमार भुट्लाके जरहे बलगर बनाडेहठ ।हमार बुडिबुडु हुँकरे बहुट लम्मा समय सम बँच्ना कारण बनवाँमे रहल जरिबुटिसे किल मजा हुइट् । पहिलेक बैडवा हँुकरे पहिलेक मनैनके लाग भगवान सरह मानैं । अझकल हेर्ठी कलेसे हरेक चिजमे मिलावत बा ।

अझकल वातावरण प्रदुषणके कारणसे बहुट मेरमेरके रोग डेखा परटा । अझकलके औषधीमे मिलावट रहठ । मिलावतके कारण अझकल मनैनके आयुफें कम हुइटि जाइटिन । अझकल हरेक चिजमे मिलावतके कारण सक्कु चिजमे असर परल बा । घोंघाफें लोप हुइटि गैल बा । अझकल यि बहुट कम मिलठ् ।


error: Content is protected !!