अत्वार जेठ ०८ , ८ जेष्ठ २०७९, आईतवार| थारु संम्बत:२६४५

अस्टिमकी ओ अग्रासन

अस्टिमकी ओ अग्रासन

अस्टिमकी ओ अग्रासन
हमार थारु समुदायमे मनैना टमान टिहुवार मध्य अस्टिम्कीफें एक हो । यी टिहुवार सावन ओ भदौ ओहोर मनैना टिहुवार हो । तिथि ओ समय अनुसार अस्टिम्की मनाजाइठ । कुष्ण जन्म अस्टिम्की असिन टिहुवार हो जोन हमार पुर्खनके समयसे मनैटि आइल बटैं । यी टिहुवार विशेष महिला हुँकरे मनैना करठैं । मने पुरुष हुक्रेफें ब्रत बैठल डेख्जाइठ । अस्टिम्कीक दिन कृष्ण भगवानके जन्म हुइलक ओरसे यी दिन कृष्ण भगवानके पुजा कर्ना चलन बा । अस्टिम्की विशेष कैके बिबाहित ओ अविवाहित महिला हुँकरे मनैना टिहुवार हो । विवाहित महिला हुँकरे अपन घर परिवार हुँकनके लाग बरट बैठ्ठैं । ओस्टक अविवाहित हुँकरे जुन मजा ओ कृष्ण हस ठरुवा मिले कहिके बरट बैठ्ठैं ।

अस्टिम्कीक दिन बरट बैठ्नासे आघेक रात भिन्सरिया खैना चलन बा । भिन्सरिया खैलक् दिन सक्कु गाउँक मनै मिलके भिन्सरिया खाइक लाग मच्छी मारे जइठैं । पहिलेक हमार बुडिबुडु हुँकनके समयसे भिन्सरिया खाइक लाग मच्छी मारे जैना चलन रहे । भिन्सरिया भात मुर्गी बोल्नासे पहिले खाइ परठ् । भिन्सरिया कम्टीमे १२ बजेक भिट्टर खाढारे परठ् । भिन्सरिया खैलक डोसर दिन बरट बैठ्ठैं । यी दिन सक्कु महिला हुँकनके लाग खास दिन रठिन् । बरट बैठल दिन सक्कु महिला हुँकरे बजार खेले जिना ओ सोला सिंगार करठैं यी दिन महिला हुँकरे । यी दिन कृष्ण भगवानहे खुसी पारक लाग ओ अपन माँगन पुरा करक लाग बरट बैठ्ठैं । यी दिन पुजा करक लाग सक्कु समान तयार परठैं । जस्टेक सखुवक कच्चे पटिया, ठोरचे चाउर, भोगट्या, घन्टी फुला ओ पैलोठि धानक जर सहितके धान लेके गुर्वा नैकी भल्मन्सक घर सक्कु गाउँक मनैनके लाग एक्के घर बनाइल रहठ । विशेष कैके औरे फुलासे घुनियासर फुलाके प्रयोग करठैं । सक्कु महिला हुँकरे सोला सिंगार करके टिके जिठैं । सक्कुजे टिक्के सेक्के अस्टिम्कीक गीत गाके रमैना करठैं । मने समयके संगे मनैनके व्यवहारमे फेन परिवर्तन आइल बा । जोन आस्था विश्वास पहिलेक मनै बैठैं ओस्टे आस्था ओ विश्वास अझकल नैहुइटिन । अझकलके मनै अस्टिम्कीक गीतफें बिस्राइ लागल बटैं ।

अग्रासन
अग्रासन हमार पुर्खा हुँकनके पालासे चल्टी आइल रिट हो । यी टिहुवार विशेष कैके थारु समुदायमे मनाजैना टिहुवार हो । यी रिट हमार थारुनके पहिचान हो । हमार थारु समुदायमे अग्रासनके फें विशेष महत्व बटिस् । अग्रासन विशेष कैके अपन अपन डिडिबहिनियनहे पहुराके रुपमे डेना करठैं । डिडि बहिनियनके कार्हल खानपिन, डाडु–भैयनके अपन चेलिबेटिन अग्रासनके रुपमे डेना चलन बा । यी हमार पुर्खनके चलाइल रिट हो । अइसिके हमार सम्बन्ध बल्गर हुइटि जाइठ ।
शान्ती चौधरी


error: Content is protected !!