निर्घात कुटपिटपाछे गोसिया गोसिनियक कान कटलैं
जिल्लाके जयपृथ्वी नगरपालिका–१, भण्डारगाउँके २१ बरसके जानकी नेपालीके उहाँके गोसिया मनोज नेपाली कान कटले बटैं । कान काटके घाहिल हुइल जानकीके जिल्ला अस्पताल बझाङमे उपचार हुइटा ।
चार दिनआघे मनोज आफन्तसँग हाँसल आरोपमे निर्घात कुटपिट करके अपन बाउँ कान काटडेहल जानकी बटैले बटि ।
‘जा हातमे परल ओहे सामानसे पिटल । मै ढललबाड चक्कुसे कान काटडेहल । काटल ठाउँमे दाँतसे चबाइल ओ रकट चुसल,’ जानकी कलि, ‘कटल कान मोर हातमे डेटि काल्ह मेडिकल जाके जोर मागिस कहिके भागल ।’
जानकीके कटल कानके शल्यक्रिया हुइल बा । मने, कान जोरना, नैजोरना निश्चित नैरहल चिकित्सकहुक्रे बटैले बटैं । मनोज विवाहके कुछ महिनासे अपनहे यातना डेना सुरु करल जानकीके आरोप बा । उहाँक चार, अढाइ ओ १६ महिनाके ३ सन्तान बटैं ।
जिल्ला प्रहरी कार्यालय बझाङके प्रमुख डिएसपी रूपक खड्का ठाडो उजुरीमार्फत घटनाबारे जानकारी आइल ओ मनोजके खोजी करटिरहल बटैलैं ।
