कैलालीके धनगढी बजारके लग्गे रहल भादा गाउँके थारु होमस्टे थारु गाउँ पर्यटक स्वागत करक लाग अस्रामे बैठल बा । थारु गाउँ घरमे उत्पादित अर्गानिक खानपिन कम रुप्यामे थारु स्वाद लेहेसेक्ना थारु होमस्टे सदस्य शिवराज चौधरीके कहाइ बा । भादा गाउँके थारु होमस्टेके स्थापना २०६३ सालमे हुइल जानकारी डेलैं ।

धनगढी बजारसे करिब १७ किलोमिटर, चौमाला बजारसे करिब ७ किलोमिटर दुरीमे रहल थारु होमस्टे भादा गाउँमे २० घरमे होमस्टे संचालनमे बा । हरेक घरमे दुइ÷दुइ कोठक् घरके व्यवस्था फेन रहल बा । एक रातमे ८० जहनके बैठना बास डेहे सेक्ना व्यवस्था रहल होमस्टे संचालक समितिके सदस्य शिवराज चौधरी जानकारी डेलैं ।

होमस्टेमे आकर्षण ओ पहुना स्वागतके लाग थारु सांस्कृतिक कार्यक्रम डेखैना व्यवस्था रहल सदस्य शिवराज चौधरी जानकारी डेलैं । उहाँके अनुसार थारु झुम्रा, सखिया ओ लठ्ठी नाच, थारु जातिनके पहिचान जोगइना ५ दिने महोत्सवके फेन व्यवस्था बा । थारु घरमे होमस्टे संचालन हुइल ओरसे थारु खेतीबारी उत्पादित अर्गानिक टिना ओ खाद्यान्नके स्वाद लिहे सेक्जाइठ । होमस्टे अइना पहुनाके लाग विशुद्ध गाउँमे उत्पादित खाद्यान्न सामग्री ओ मासुजन्य वस्तुके उत्पादन पर्याप्त रहल होमस्टे संचालक सदस्या बटैलैं । ओस्टके स्वदेश ओ विदेश लगायत विद्यार्थी हुँकनके लाग फेन बैठ्ना बासके व्यवस्था रहल संचालक सदस्य बटैलैं ।

२०६३ से सुरु हुइल होमस्टे अइना पहुनाके लाग बैठ्ना कोठा ओ मासु खानाके फेन व्यवस्था बा । भादा होमस्टेमे अइना पर्यटकहे छुट्टे आनन्द ओ रमाइलो अनुभुति हइना शिवराज चौधरी बटैलैं । चारु ओर प्राकृतिक वनजंगलसे भरिभराउ होमस्टेसे कुइलही टलुवा ५ किलोमिटर के दुरीमे बा । जोगनियाँ टलुवा ओ झुलुंगे पुल फेन लग्गे बा । भादा गाउँ थारु होमस्टेके उत्तर ओर घँसिटा, पुरुब ओर समरचौरा गाउँ डख्खिन ओर बनवाँ रहल उ होमस्टेमे अइना पर्यटकहे छुट्टे आनन्द ओ रमाइलो अनुभुति हुइना भादा गाउँ थारु होमस्टे प्राय अनुसन्धानकर्ता, अवलोकनकर्ता, आन्तरिक ओ बाह्य पर्यटक अइटी रहल सदस्य शिवराज चौधरी जानकारी डेलैं । न्क्ष्श् संस्थासे प्राप्त सोलार ओ गिजरके व्यावस्था रहल बटैलैं । होमस्टेमे लागल प्रत्येक घरमे व्यवस्था बा । यी सामान न्क्ष्श् से प्राप्त हुइल शिवराज चौधरी बटैलैं । यी होमस्टे तारा गाउँ विकास समिति काठमाडौसे सुरु हुइल संचालक सदस्य जानकारी डेलैं । भादा गाउँके थारु होमस्टेसे प्राप्त हुइल आम्दानी अपन घर व्यवहारमे लगैना करल सदस्य शिवराज चौधरी जानकारी डेलैं । विसेस कैके पुस महिनासे पर्यटकके संख्या ढेर हुइटी गइल जानकारी डेलैं । भादा गाउँबासीनके पेशा खेती बारीसे ढेर होमस्टेमे प्राप्त हुइल जानकारी डेलैं ।

भादा गाउँके थारु होमस्टे ओर ढेर पर्यटक आकर्षक करेक लाग पिक्निक स्थल, पार्क लगायत पक्कि डगरके फेन व्यवस्था हुइलेसे आउर पर्यटक आर्कषक हुइटंै कना शिवराज चौधरीके कहाइ बटिन । ओस्टके भादा गाउँके थारु होमस्टे ढेरसे ढेर आघे बह्रइटी जैबि कना उहाँके थारु होमस्टेमे लागल मनैनके कहाइ फेन बा ।