हमार थारु जातिनके मनै पहिले टमान दिन सम जिइँट् । हमार परा पुर्खनके पालामे लगैनासे लेके खैना सक्कु चिज घरेलु रहिन । हमार बुडिबुडुनके टमान दिन सम जिना कारण यिहे हुइटिन कि प्रकृतिक चिज किल खाँइट् । हमार बुडीबुडुनके खैना फलफुल घरेलु ओ बनवाँ मका फलफुल खाँइट् । स्वास्थ्यहे हमार धन ओ सम्पती मानजाइठ । हम्रे कौनोफें काम करक लाग पहिले टे स्वास्थ्य हुइ पर्ना जरुरी बा । कौनोफें काम चाहे सरकारी जागीर रहे चाहे घममे मेहनत करके कर्ना डेहारी काहे ना रहे ।आयुर्वेदके अनुसार खानाहे तीन भागमे वर्गीकरण कैगैल बा । सात्विक, राजसि ओ तामासी । सात्विक खाना हमार शरीरके लाग बहुत उपयोगी मानजाइठ । सात्विक भोजन एकठो यागिक आहार संचार हो । जौन सक्कु पौष्टिक आहार रहठ । यि पौष्टिक हुइनाके संगे पवनाहा रहठ । यि मेरके खाना हमार शरीरहे स्वास्थ्य ढर्नाके संगे, मनहेफें खुसी पर्ना काम करठ । सात्विक खानामे सात गुणके प्रधानता रहठ । योग ओ आयुर्वेदमे कहल बा, सात्विक आहारासे मनैनके जिन्गी सात्विक रठिन । योगिक ओ सात्विक आहारके क्षे्रेणीमे असिन मेरके भोजन मिला गैल बा । अस्टेक मनैनके मन ओ टन शुद्ध, हमार शरीरहे शक्ति देना, स्वास्थ्य ओ खुसीले परल रहठ । सात्विक भोजन आयुर्वेदके प्रचिन नियममे आधारीत बा । जिहिन सामान्य ओ पारम्परीक विधिसे तयार करे सेक्जाइठ ।गीतामे हेर्ठी कलेसे भगवान कृष्ण सात्विक, राजसी ओ तामासी आहारहे सुस्पष्ट व्याख्या करले बटैं । संगे यि मेरके खाना हमार शरीरके मनहे कसिक प्रभाव पारठ कना चिजफें स्पष्ट बटाइल बटैं । आत्मीक प्रगति खोजना ओ साधनाके डगर नेगंना मनैनके लाग बहुट उपयोगी मानजाइठ । सात्विक आहारा सुक्ष्म जोन हमार खाली आँखीसे डेखे नैसेकजाइठ ओसिन मेरके पौष्टीक आहार पाइ सेक्जाइठ । सात्विक आहारा अन्र्तगत पर्ना खाना यि मेरके बा ।
१. मह ओ हर्वल चिया
२. मौसमी सागसब्जी
३. भिजाके अँखुवाइल गेडागुडि
४. ताजा फलफुलके रस
५. ताजा ओ मौसमी फलफुलआयुर्वेदमे सात्विक आहारामे तेलम् तरल, भुठल, सिकार जसिन, बोसो जसिन, मसला मिलाइल, बासी जसिन खैना रोकले बा । हम्रे सक्कु दिन सात्विक भोजन नैमिललेसेफें बिहन्नीसे लेके साझ सम कुछ मात्रामे खैलेसेफें हमार शरीरके लाग टमान उपयोगि मानगैल बा ।१.विहान्नीक हर्वल चिया ः
बिहन्नीक नास्तामे जौ से बनल खाना समावेश करे सेकजाइठ । यि बिटा ग्लुकन घुलनसील हरबल हो । जोन हमार पेटके लाग फइदा जनक मानजाइठ । जौ हमार शरीरके ग्लुकोज नियन्त्रन करना काम करठ ।२.दिनके खानामे ताजा सागसब्जी ः सात्विक आहार अनुसार दिनके खानामे प्रोटिनयुक्त खाना खैना बटैठैं । यि मेरके खानामे ताजा सागसब्जी दाल, पनिर, सलाद जसिन खाना खाइ सेक्जाइठ । यि खाना हल्का हुइनाके संगे शरीरहे शक्ति डेना काम करठ ।३.फलफुल ओ जुस ः मध्यान्हके नास्तामे मौसमी फलफुल सेवन करे सेक्ठी । अमला जसिन फलफुल आउर उपयुक्त मानजाइठ ।४.रातिक खाना ः आयुर्वेदके अनुसार दिन डुबनासे पहिले खाना खैना मजा मानजाइठ । संगे रातके भात हल्का खाइ परठ । खाना खाके सेक्के दुइसे तीन घन्टा पाछे सुटे परठ । रातके खाना खाके कुछ बेर नेंगना मजा रहठ ।